सुर्खेत, कर्णाली प्रदेश खेलकुद विकास परिषदको सहयोगमा नेत्रहिन क्रिकेट संघको प्रशिक्षण तालिम आज देखि सुरु भएको छ ।
कर्णाली प्रदेश खेलकुद विकास परिषदका उपाध्यक्ष प्रमोद हमालले नेत्रहिन क्रिकेट संघका खेलाडीहरुलाई परिषदको तर्फबाट विभिन्न खेलकुद सामाग्रिहरु दिएर प्रशिक्षण तालिमको उद्घाटन गर्नु भयो ।
तिन दिन सम्म संचालन हुने प्रशिक्षण तालिममा कर्णाली प्रदेशका सबै जिल्लाहरुबाट खेलाडीहरुको सहभागीता रहेको छ भने केहि खेलाडीहरु प्रदेश बाहिरबाट पनि सहभागी भएका छन् ।
तालिमको अबधिभर प्रशिक्षणलाई उपलब्धी मुलक बनाउन खेलाडीहरुलाई उपाध्यक्ष हमालले आग्रह गर्नु भयो । कर्णाली प्रदेशबाट नेत्रहिन क्रिकेट संघका खेलाडीहरुलाई अन्तर्राष्ट्रिय स्तर सम्म खेलाउने कर्णाली प्रदेश खेलकुद विकास परिषदको लक्ष रहेको भन्दै उपाध्यक्ष हमालले ३ दिनको प्रशिक्षणले नेत्रहिन क्रिकेट संघमा नयाँ खेलाडी उत्पादन हुनेमा आफु विश्वस्त रहेको बताउनु भयो ।
प्रशिक्षण उद्घाटन कार्यक्रममा कर्णाली प्रदेश खेलकुद विकास परिषदका प्रशिक्षण विभाग प्रमुख दिलिप सिँङ ठकुरी, साहेक प्रशिक्षण विभाग प्रमुख सोना थापा कर्णाली प्रदेश खेलकुद परिषदका कर्मचारी कवि न्यौपाने, जिल्ला खेलकुद विकास समिति सुर्खेतका कार्यालय प्रमुख राम बहादुर वलीको समेत उपस्थिति रहेको थियो ।